تصدق من كثر عشقي خيالك مرّ واعماني

سنينٍ بالعمر مرّت .. ودَمــــــــع العِين يغشااني !
سنينٍ أدثر أورآقي .. وريح الصّبح " تِكشفها " !

فقدته مِن سِكَن قلبي / وراح اليُوم .. خلّاني !
أبعثر بالألَم فيني .. دِمُوع الشّوق ( وأنثرها ) !

دقايق لو يمر طيفه .. أرُوح بْ عالمٍ ثاني ..
أبُوه الشّوق يا عالم .. ترا حالي مِبهذلها ..

قبل عَايش كذا عادي .. وجاء حبّك وِودّاني ..
لموطن ما اشوف إلا بِه ادروبك واعشقها ..

تصدق من كثر عشقي خيالك مرّ واعماني .. !
وصرت إنتَ الوحِيد اللي بِه أشعاري أردّدها , !

دخيلك لَا تطوّلها .. غيابِك حيل أشقااني .. !
سنِين العِمر قِد مرّت .. وانا ما غير أحسبها ..

حسبت البُعد لِه حيله .. و اثاري البُعد عُدواني !
مشاعر مالها غِيرك .. ولا غِيرك يروّضها .. !

ترا ما جاني في بُعدك .. كفايه حيل ما جاني !
دخيل الله لَو تدري .. عيُونِك " كِيف أنطرها " !

أقول الشّوق يَ حبّي .. تِقول الشّووق " يفداني " !
كذا واثق / ومِتمكّن .. خلايا القلب ’ تِملكها !

ترا لو كان هالإحساس .. رجُل بالحِيل عقلاني ..
ابد ما كان في ليله " دِمُوع الشّوق بعثرها " !

انا ما هزّ بي خافق .. وهدّ اليوم وجداني ..
سوا ذِيك المشاعر يوم .. يجي حسنٍ ويفتنها ..

ليا مِن لامس يْديني .. أضيع بْيدّه وأنساني ..
واقول اللّيله يا جعله " خلايا الرّوح يِحضنها " !

جعل مِن قلّب الذّكرى .. وجرّح قلبي أبكاني ..
يجيه الضّيم في غِيمه وكلّ افراحِه يهدِمها .

أقول الشّوق يَ حبّي .. تِقول الشّووق " يفداني " !
كذا واثق / ومِتمكّن .. خلايا القلب ’ تِملكها !

موهبة متدفقة

وقلب محب

ومشاعر مرهفة

وخيال سامق

وكلمة موحية معبرة

كنت هنا في هذا النص الباذخ

الفاضلة بنوتة

دمت متألقة

عبد الحي بدر كتب:: أقول الشّوق يَ حبّي .. تِقول الشّووق " يفداني " !
كذا واثق / ومِتمكّن .. خلايا القلب ’ تِملكها !
موهبة متدفقة
وقلب محب
ومشاعر مرهفة
وخيال سامق
وكلمة موحية معبرة
كنت هنا في هذا النص الباذخ
الفاضلة بنوتة
دمت متألقة

استاذنا عبد الحي بدر الجمال يكمن بوجودك
شرفتني بتواجدك
شاكره لك هذه الاطلاله الجميله
لك فائق تحياتي

بنوته

أسعدني أن أكون هنا
بين طيات كلماتك
وثرثر قلمي ليحاكي أبياتك
فتقبلي مروري المتواضع
على متصفحك اللامع
مع خالص ودي
وجناين وردي

» انتي عشقي
» رجل يكتشف سر خطير بعد وفاة زوجته لن تصدق ما هو السر ...!!!