قصيدة فطــــــــــــــــــوم

فطوم لكن غير عن كلّ فطوم
من كل جمال الكون ربي عطاها

طحت بهواها كيف؟ مافيه معلوم!
بس المهم إني وقعت بهواها

بنت(ن) إذا عضّت لها فص من ثوم
الثوم ياخذ من حلاوة شفاها

وإليا تهادت توقف قلوب وتقوم
والناس تلهث من عذوبة حلاها

الخد ناعم والخصر خيط مرسوم
والشهد يسكن بين أطراف فاها

والشفّه أشهى من عناقيد وكروم
والزين فيها من حلاها تباهى

معها تزول أوهام وآلام وهموم
ودي أعيش الحب لحظه معاها

تمشي وكنها ماشيه بين لغيوم
محد(ن) يميّز أرضها من سماها

هي ودّها تمشي مثل باقي القوم
لكن دلعها يشدّها من وراها

في كوم هالدنيا وهي وحدها كوم
كل العذارى مايجن مستواها

من أول التاريخ ياناس لليوم
ماقد سمعنا عن جميله شراها

مثل الهلال اللي إذا أشرق إنصوم
ونفطر إذا أشرق علينا سناها

هي للحيا والطيب عنوان معلوم
حتى الحيا يخجل يماري حياها

فطوم ياطعم البرآءه يـ فطوم
فطوم ياعطر الورود وشذاها

فطوم شوفي حال من عافه النوم
شوفي عيــونه كيف همه كساها

ياتاج عذبات العفيه كذا دوم
طاريك يغسل من عيوني شقاها

دوم الوفي يبقى على العهد ملزوم
والناس دايم تنمدح في وفاها

ما فـ الهوى حاكم ولا فيه محكوم
والممطرات البيض للكل ماها

أمر المحبه يـا غلا أمر محسوم
علام قلبك جاهل(ن) في قضاها!!

يعل من ينساك يتوفّى مسموم!!
ويموت فدوة عينك اللي نساها

الصد في شرع الهوى شي مذموم
والبنت أرحم من جفاها أذاها

شوفي حبيبك كيف فـ البعد مهموم
عينه لهيب الشوق فجّر بكاها

هو شاعر(ن) ماله عشق غير فطوم
ومحد(ن) تمكّن من خفوقه سواها

من كثر ما حبه فـ هالقلب مكتوم
مايدري وش تسوى حياته بلاها

رووووووعة

يا عيني عليك يا فطومه كل هذه الكلمات حالك
يا بختك
برنس اتذكر كانت عندنا شغاله اسمها فطوطه لا يكون هذه الكلمات حالها ههههههههه
يسلموووو ع النقل الرائع
تقبل مروري

» قصيدة جمالِـــهـــا إستعـمـــــار .... بقلمـــــــــــي
» الشااعر محمود درويش قصيدة الى امي
» قصيدة تاتيه تاتيه
» قصيدة صلوات ربي في جمالكِ ثم صلاتي.... بقلمــــــي
» الشاعر محمود درويش قصيدة القدس