قالت لزوجها .. احب غيرك !!!

حبيت انقل لكم قصه حقيقيه حدثت بالكويت

هذي القصه طويله لكن تستحق القراءه

بدايه القصه ان في اسرة كويتيه ناويه تزوج ولدها من بنت حلال وتكون البنت على سنع هذي الاسرة من الاسر المحافظه وقالو للولد يعني انت في ابالك بنت معينه الولد قال انا مابي الا الي امي تختارها لي ولما راحت الام اتدور حق ولدها البنت الي انشالله تكون اهي الي تستقر معاه لقت الام بنت رفيق زوجها وقالت حق زوجها شرايك تزوج ولدنا بنت رفيقك فلان والله خوش بنت كلم رفيقك واخطبه له قال رفيقي فلان والله والنعم فيه والكل يتمنى ان يناسبه خلاص باكر اروح انا ويا ولدي انكلم الرجال انخطب بنت....

وصار باكر

العصر طلع الولد ويا ابو حق بيت الرجال << ابو البنت >> واخطبو البنت وقال ابو البنت تستاهلون كل خير يا بو فلان ووافق ابو البنت وقال خلوني اشاور بنتي بالاول وراح يكلم البنت قالت البنت خلوني افكر ؟؟؟؟

والبنت مو قصدها تفكر البنت على قولة هالشباب مرتبطه يعني بالمعنى الصحيح تحب من غير رضى اهلها وهذا حرام فراحت البنت وكلمة حبيبها الي مرتبطه فيه ...

قالت :: فلان ترا جاني ولد رفيق ابوي ويبي يخطبني شسوي ..

قال:: احم احم

قالت :: شفيك الولد بخطبني تعال

قال :: وين اجي

قالت :: تعال البيت اخطبني قبل اروح مع الولد

قال :: ترا صوتك صوتك يقطع !!!!

قالت :: فلان فلاااااااااااااااااا اااااااااااااااااااا ن اف.

جك طوط طوط طوط طوط طوط

قالت :: سكر الحقير ..

فراحت البنت تفكر شتسوي شتسوي ولما جاها ابوها قال يا بنتي هذا ولد راعي صلاة وراعي دين ابوه رفيقي من 25 سنه ماشفت منه اي شي شين تزوجي الولد ابوه غالي والله غالي قالت ياوبي انا موافقه عليه علشانك واهي في بالها رفيقها الي سكر التلفون بوجها....

واكتبو الكتاب على البنت ويا الولد وتزوجو ...

وفي يوم الدخله قعد الزوج مع البنت يسولفون مع بعض مثل مايصير مع اي زوجين جدد وكل واحد يقول للثاني اهم شي له بس الغريب ان الزوج لاحظ ان الزوجه مو وياه بالسالفه.....

قال :: يافلان شفيك ؟؟؟

قالت :: اليوم انا تعبانه...

قال :: انشالله ما تشوفين شر يالغاليه...

وما ادراك ما معنى كلمة غاليه (( من قلب والله نظــــــــــــــــيف))

وفي اليوم الثاني نفس الشي يجي يسولف البنت تتهرب وباليوم الثالث يجي يسولف البنت تتهرب وفي اليوم الرابع يجي يسولف تتهرب الصراحه طفح الكيل الولد مسك البنت .....
قال :: يابنت الحلال انتي فيكي شي

قالت :: اف شفيك انت

شقالت قالت اف هذي العن كلمة تقال للزوج

قال:: شتقولين

قالت :: شفيك انت اذيتني شتبي...

قال :: واهو متعجب انا شبي انا زوجك على سنة الله ورسوله صلى الله عليه يابنت الحلال

قالت :: تدري انا ماحبك انا احبك غيرك!!!!!!!!!!!!!!!! !!!!!!!!!!!!!!!!!!!! !!!!!!!!!! !!!!!!!!!!!!!!!!!!!! !!!

استغرب الرجال وفكر شوي قال يمكن عشان فارقت امها وابوها واخوانها قالت احب غيرك

بعدين قال:: انتي تحبين غيري

قالت :: اي والله اني احب غيرك

قال:: يابنت الحلال انتي ابوك رجال كبير وانا ولد ناس وتزوجتك على الحلال بس ممكن طلب

قالت :: اطلب

قال عشان امك وابوك انا ماراح اطلقك الحين عشان ما تصير فضيحه باول ايام عرس بنتهم ويروحون فيها اقعدي عندي ثلاث شهور وانا راح اطلقك

قالت :: بس اتطلقني

قال ::: والله لطلقكي بس خلك عندي بدون لا اقرب منك علشان شيبات ابوك

قالت :: انا موافقه ..

قال :: فلانه ممكن طلبين صغار

قالت :: اطلب

قال:: اول شي الولد رفيقك لا اشوفك تكلمينه عندي ولا من وراي هذا وعد بيني وبينك خليه بحاله لإنك في ذمتي وانا محترمكي ليلحين علشان ابوكي وانتي تدرين , والطلب الثاني ابيكي لاقعدنا ويا امي ويا ابوي كنه مابينا شي خليكي طبيعيه مابيهم يدرون انك تحبين شخص ثاني وحتى عند اهلك اعتبريني اخوكي لا تنحرجين مني زين يافلانه

قالت :: رفيقي ما اكلمه و انشالله اوعدك مابين اي شي

هذا الحديث دار بين زوجين في رابع يوم من زواجهم (( والله صعب هالولد هذا ))
وبعدين مع مر الايام الولد ويا زوجته يقعدون عند اهلهم طبيعيين ويسولفون وكنه مافي اي شي ولما يروحون الدار البنت تروح للفراش والولد يروح دار القعده او دار الاستقبال هذي حال العروس ويا المعرس اول شهر

الشهر الثاني

قامت البنت تمل من هالحال وتطلب طلبات كثيرة علشان يمل الرجال بس الولد نفسه خفيفه على البنت يلبي كل طلباتها وكانو محددين يومين بالاسبوع الاثنين والجمعه لاهل البنت وكل ما يروحون البنت تشوف زوجها قاعد عند امها ويا ابوها حتى ان ام البنت ويا ابوها يقولون للولد ها شلون بنتنا ....

يطالعها واهي تطالعه

يبتسم ويقول ::

والله على راااسي يا عمي

الزوجه تعجب بكل صراحه بس اهي في بالها الطلاق بالحقيقه

الشهر الثالث

البنت قامت تشوف ان زوجها هذا ولد كامل والكامل الله تقول بينها وبين نفسها هالولد لو يفلت من ايدي والله ما احصل على احسن منه ليش ما اعدل علاقتي معاه احسن من الي ماخذني عن حب عفوااا(( اي خير ان شاءالله كافي انه سكر الخط بوجهي لما درا فيها زواج ))

تقول البنت خلني اعدل علاقتي معاه احسن , امه خوش ام مثل امي واحسن , وابوه رفيق ابوي 25 سنه يمدحه ماشاءالله .

خططت البنت انها تتكشخ وتتزين علشان هالولد الطيب ولما جا الولد من الدوانيه بليل شاف ان البنت متكشخه علشانه

قال:: ماشالله شنو هالزين...

قالت :: والله عيونك الحلوة

قال :: ماتوقعتك انك جذيه

قالت::توقع من اليوم ورايح انا راح اكونلك احلى بنت

قال :: انشالله تكونين احلى بنت بالدنيا يا رب

ودخل دورة المياة وراح يغسل وطلع ولا البنت قدامه قال مافي عشاء قالت اي فيه والله انا مزهبته بايدي وجابت العشا وتعشى الولد وراح ينام بالصاله

قالت :: والله يمكن مو راضي علي ليلحين بس والله يا جمالي هذا ما يخليه والله لخدرة وكل يوم تسوي جذيه فيه تروح تكشخ وتقعد تنطره لي يجي بليل واهو على لسانه ماشالله عليكي مزيونه حيل مافي عشاء......

قبل الشهر الرابع بسبوع

راحت البنت واهي مستغربه تقول شفيه صارلي اكثر من 15 يوم اتكشخ والبس احلى شي بس الولد ما يعطيني وجه شفيه اهو لايكون يحب غيري بس قالت ليش ما قوله...

قالت :: يا فلان انت فيك شي

قال :: ليش

قالت:: لا بس اشوفك مو طبيعي والله

قال :: شتشوفين يعني

قالت :: انا والله حبيتك بس انت مدري شفيك

قال :: انتي تذكرين شقلتي رابع يوم العرس

قالت :: اي والله بس الحين خلاص انا لك

قال :: قلتي انك تحبين واحد ثاني

قالت :: اي بس الحين انت الكل بالكل

قال :: يا بنت الحلال ما بقى على الشهر الثالث الا ايام واللي مواعدكي عليه بيصير ان شاءالله

قالت :: يعني انت حبيتني

قال :: انا ما اخذتك الا لاني حبيتك من سمعت ابوك وامك والله

قالت :: تكفى لا تطلقنى

قال:: يصير خير

وراااااااااح ينام بدار الاستقبال واهي راحت دار النوم بروحها تفكر وتقول يارب يارب يارب انه ما يطلقني ابن الحلا هذا , وقعدت تتذكر حياتها مع الولد الي صك التلفون في وجها وتذكر حياة صديقاتها الي طيحوها بالعلاقات على قولتهم<< الارتباط >> وتقول بعد الله لايوفق كل من يحب من غير رضى الاهل والله اني عشت العن ايام عمري هالاسبوع يا رب مايطلقني...

ومن باكر طلبت منه يوديها مطعم وراحو مطعم وافترو بالخليج وراحو شارع الحب وراحو السينما وراحو كل شي حلو يطري على زوجين ليش لانه اهو يقول هالبنت اهي زوجتي الحين لازم امتعها لانها على ذمتي , بس اهي تقول اهو والله جذاب وطيب واحسن من هذاك الخايس اسمحولي بالكلمه هذي اخواني واخواتي, ولما راحو البيت قعدو بالصاله وشافو التلفزيون واهم مندمجين ...

قال :: تصبحين على خير انشالله

قالت :: وين

قال :: بنام والله

قالت:: زين نام بدارك

قال :: انشالله باكر (( هو يقصد بكره اخر يوم من الشهور الثلاثه ))

كان يوم الاثنين الساعه 10.30 الصبح قعد الولد ووياه زوجتة.......

قال::: يالله يا فلانه يالله

قالت :: يالله وين...

قال :: اليوم الاثنين انروح لاهلك

قالت :: يالله

وراحو حق بيت اهلها ولما صفط عند بيت اهلها قال يا فلانه انا والله حبيتك بالاول بس يعني ترضين تجرحين رجال بكل بساطه قالت شفيك قال انا بس بقولك انتي والله غاليه بس انا ما امن على عيالي في بنت تقول حق زوجها انا احب غيرك قالت قبل مو الحين قال لا والله لاقبل ولا الحين انا رجال وعندي مشاعر والمثل يقول المؤمن لا يلدغ من حجر مرتين قالت شفيك, قال انا وعدتك بس ثلاث شهور وبعدين انتطلق قالت لا لا لا يا فلان والله حبيتك لا تطلقني قال والله اني حبيتك اكثر من حبك لي بس هذي الدنيا لازم اخليك وعيشي مع واحد ثاني اطيب انشالله مني, قالت والله انك طيب وانا ابيك انت, قال انا ماني عايش معاك انتي قلتي احب غيرك وهالكلمه قاعده في قلبي لين اموت قالت شفيك انت اليوم انزل عند ابوي, قال سلمي على ابوك, قالت انزل بس ربع ساعه واطلع

قـــــــــــــــــــ ــــــــــــــــــــ ـــــــــا ل ::

انتي طـــــالـــــــق طـــــــــالــــق طـــــــــالــــــــ ق.

انزلي الله يوفقك انشالله فكيني من شوفت ابوك ويا امك انزلي مابيه يقول ليش طلقت بنتي وانتي ادرا قعدت تصيح بالسيارة قال فظحتيني انزلي خلاص واهذي ورقت الطلاق مابيني وبينك الا كل خير ما عمري سبيتك ولا طقيتك ولا غلطت عليك ولا على اهلك سلمي عليهم ولا تقولين انك قلتيلي احب ترا ما يدري عنها انشالله غيري انا وانتي وعلام الغيوب

وانزلت البنت لي بيت اهلها واهي منصدمه (( ليش تنصدم هي جابته لنفسها )) وبشرت اهلها في طلاقها الي اهي تتحمل كل ما فيه لانها اهانة الرجال في رابع يوم من زواجهم
يقولون ان البنت حاليا تعالج بالطب النفسي بالكويت والقصه حقيقيه

روعه ماكتبت

وقفت الحروف عاجزه عن التعبير

يعطيك ااالف عااافيه

ڳّلُ أَلَشِڳَرٌ لٌڳَـ وَلٌهٌذّأَ أٌلَمَرِوَرِ أَلٌجَمَيَلَ

أِلُلَهُ يِ۶ـطًيِڳَـ أِلٌعِأِفًيٌهِ يُأِرِبً

خًأًلّصَ مًوّدُتِى لُڳًـ

وُتًقُبًلُ وُدّى وٌأًحَتُرِأِمُى

» قالت وفي عينها
» غيرك انت ياحياتي عيني والله ماتشوف
» صعبْ غيرك يحتضن أشوآآقي ، أزيـاء شبابيه
» قالت قهر ليتك من عيال خالي.
» قالت لي تسالني لماذا تحبني